How do I say a Good Bye once for all Harish Sir !!

 To be or not to be that is the question 

सोशल मिडीयाच्या या आभासी दुनियेत

जगावं की मरावं हा एकच सवाल आहे

रोज प्रसूत होतात नव नवीन समूह

बुड ना शेंडा अन फक्त फोटोंचा राडा

क्षणाक्षणाला प्रसवणाऱ्या व्हाट्सअप्प ग्रुपचे

सदस्य व्हावे की नाही हा ही आहे प्रश्नच

की द्यावा नकार सदस्यत्वासाठी सपशेल

अन राहावं आपलं नामानिराळे दूर दूर

हजारो संदेश अन छायाचित्रे यांच्या गर्दीत

रद्दीतल्या कागदासारखं जगावं  की नाही 

की द्याव्या सर्व विनंत्या फेटाळुन

याच्या त्याच्या ओळखी अनोळखी सर्वच

इथेच मेख आहे

सदस्य व्हावं ही वाटतं आणि नकोही

खोट्या चेहेऱ्यांच्या गर्दीत गुदमरून जगावं

वैचारिक दिवाळखोरी आणि असंबद्ध संदेश

अहंकाराणी होत राहनारे बलात्कार पाहावेत

एकीकडे आम्ही स्वतः आणि आमचे समुह

गल्ली, दिल्ली, शाळा, महाविद्यालय, अन काय 

छंद, आवड, निवड, खेळ मांडलेले समूह

दुसरिकडे ज्यांना आम्ही जन्म दिला त्यांचेही

मग हजारो GB ने भरभरून येणाऱ्या फोनला

वाचन संस्कृती, आपसी संवाद, स्नेह, माया

यांचा खून केलेल्या या भ्रष्ट बरबाद पिढीला

घेऊन आम्ही काय करावं, कुठे जावं ...

तूच सांग रे विधात्या ...

शरद पुराणिक

12082021