या या नमो नी, हिराबा च्या नरेंद्र न बरं नाय केलं ग बया !!

-

 या या नमो नी, हिराबा च्या नरेंद्र न बरं नाय केलं ग बया !!


काय राव मोदी जी तुम्ही असं करताय

अजिबातच  पाहिजे तसं वागत नाहीत

एकच तर सख्खी ती माऊली होती

तिलाच असं शांत शांत घेऊन गेलात ?


जरा गोळा केले असते हजारो लाखो

पांढऱ्या शुभ्र कपड्यावर काळे चष्मे

लपवायला आसवं, डोक्यावर दुर्बिणी

उंची उंची  गाड्यांचे ताफे पण नाहीत 


राहिला भला मोठा फुलांनी सजलेला ट्रक

गेलाबाजार एखादा रथ ही नाही का  हो?

शे दोनशे टोपल्या फुलं ही नाही दिसली

खंडीभर पुष्पचक्र ही अर्पण नाही केली


एवढे तुम्ही चिंगूस असाल माहीत नव्हतं

जन्म, मरण काही असो  सोहळे हवेत आम्हा

नको आम्हाला तो शुद्ध, सभ्य, साधा आचार 

कसा सहन करू हा चांगुलपणा चा भार ?


साष्टांग दंडवत घालतो काय मोठा माणूस ?

कोणी असं अनवाणी चालतं का अंत्ययात्रेत ?

तुम्ही फ़क्त आवाज द्यायचा होता की हो

स्वतः कशाला खांदा दिलात उगाच या वयात


अन काहीच झालं नसल्यागत वागलात

दिनचर्या ही तशीच जगलात नित्य नियमित

ना नाटकी भावनांचा आक्रोश ना आसवं 

खोटे आलिंगण नाही ना बिलगणे, कुरवाळणे


असं नसतं राव ....आम्हाला शांत करायच

यातून काहीतरी हाती लागेल असं वाटलं

पण तुम्ही तर ते सारं सारं उलटंच केलं

आम्ही गिधाडांनी आता काय करावं ??


....जाऊ द्या मी  निघतो यात्रेला....

....जोडलेलं तोडायला....


शरद पुराणिक

311222

Comments

Post a Comment

Popular posts from this blog

-
Image
 आज "वकिलांचा" दिवस आहे ...या व्यवसायात माझे काही मित्र, आप्त आहेत ... खरं तर अनेक लोक यातुन जातात ..अनेकजण फसवून लूट करतात ..पण आज ही काही प्रामाणिक मंडळी या व्यवसायात आहेत जे इमाने इतबारे ही सेवा करतात ...खालच्या ओळी त्यांच्यासाठी ...बाकीच्यांना ही देव सुबुद्धी देवो ही न्यायदेवतेला साकडं .   @@@ न्यायदान करतो आम्ही विश्वासाने न्याय देवतेचे डोळे बांधुन सत्याला, मिथ्यालाही न्याय देतो सर्वानाच कोणीतरी वाली पाहिजे दोषारोप अन कैद सुटकेच्या चाव्या आम्हीच बांधतो आमच्या कमरेला  असला कोट काळा तरी ही  विचार मात्र बो सारखे शुभ्र आहेत घेत नसलो फाईल वजनाच्या फिया तरी त्या वेगाने आम्ही सरकवतो  कित्येक अशील येतात याचक होऊन आम्हीच अनेकदा त्यांचे आधार होतो कोरे कागद ही न आणणाऱ्या अशिलाला खाऊ पिऊ घालून त्यांच्या केस लढतो  वाटलंच कधी तर तो ही फेडतो ऋण धान्य, भाजीपाला असा वानोळा आणुन इथे ना वस्तू ना त्याची किंमत आहे संकटमोचक होऊन सतत जगणं आहे कोण म्हणतं वकिली व्यवसाय आहे ही एक माणुसकीची मोठी संस्था आहे पायरी चढणाऱ्या अन न चढणाऱ्या दोघांचाही उत्तम दुवा असतो वकील अडचणीत ल...
Read more

ओढ लावती अशी जीवाला गावाकडची होळी

-
Image
 ओढ लावती अशी जीवाला गावाकडची होळी साद घालिती पुन्हा नव्याने ती मैत्रीची नाती.... होळी धुरवडी च्या रंगांन अंग तरंग जावं भरुन "नाही तर मित्रांनो मी तसाच राहीन घरात बसून* काल संध्यकाळी १२ तास ऑफिस काम करून घरचा रस्ता घेतला....एक दोन चौक गेले अन् अचानक चौफेर गर्दी दिसायला लागली.... एरवी दोन चार बस, travels असं चित्र असत पण आज गर्दी का आहे हे काही कळेना.  हेल्मेट च्या आत डोकं फार विचार करू देत नव्हतं, त्यात एरविच जीव गुदमरून सोडणारी ती वाहनांची अन् माणसांची गर्दी ही काही पुणेकरांसाठी नवीन नाही....पण आज जरा जास्त जाणवत होती... नंतर लक्षात आलं शनिवार रविवार ला जोडून होळीची सुटी आली. .. मग कामगार तो कुठल्याही हुद्द्यावर का असेना लगेच घर जवळ करतो...म्हणून चौफेर बॅगा, पिशव्या, सामान घेतलेले सर्व वयोगटातील  लोक होते. पिशिवितून पिचकाऱ्या, मिठाई, असं काही नाही घेऊन निघाले होते. कोणाची चिल्ले पिल्ले सोबत होती, तर कोणाची बहुधा दाराकडे टक लाऊन वाट पाहत असतील.  तर कुठे आई वडिलांना भेटण्याची उत्सुकता दिसत होती चेहेऱ्यावर.  तर कुठे नोकरीनिमत्ताने बाहेर असलेल्या नवरा बायकांच्या भा...
Read more

गौरी गणपती

-
Image
 गौरी गणपती सण म्हटलं की धावपळ, उत्साहाला उधाण, माणुसकीचा ओलावा, गर्दी, पैशांची उधळण, खायची चंगळ अन कौटुंबिक कुंभमेळा. तसे वर्षभरात अनेक सण येतात. प्रत्येक सण काही तरी वेगळी आठवण साठवून जातो खोलवर मनात... आणि जुन्या आठवणींना उजाळा देतात. मन भूतकाळात तरंगायला लागतं.. अन एक एक प्रसंग डोळयांसमोर उभे राहतात. महालक्ष्मी चा सण आता काही आठ्वड्यावर आहे, श्रावण आला की तो सणांची एक मोठी मालिका सोबत घेऊन येतो, म्हणून आज ही आठवण झाली. मराठवाड्यात या सणाला महालक्ष्मी, लक्ष्मया, गौरी अशी अनेक विविध प्रांतनुरुप नावं आहेत.  हा सण म्हणजे खूप धावपळ विशेषतः स्त्री वर्गाची, पुरुषांसाठी सामानाची ने आन, घर आवरणे, इत्यादी. पण षोडशोपचार पूजा त्या सोबत षोडश पक्वान्न आणि त्या साठीची तयारी या साठी स्त्री वर्गाची पार तारांबळ उडते एवढी तयारी. आमच्या लहानपणी सगळी काका मंडळी दूर दूर गावावरून गावी यायची, आजही अनेक ठिकाणी ते आहेच पण अनेक ठिकाणी ते काळाच्या आड गेलंय. असो, सर्व अगदी सह कुटूंब सह परिवार यायचे. पाहुण्यांशिवाय हा सण तो कसला? सगळ्या जावा जावा, सुना, नातसुना, इत्यादी एकत्र यायच्या अन कामाची चढा ओढ,...
Read more