Shapu - Always lost in memory lanes...

 येईल का जाग रायगडाला बेधुंद काळ्या रात्री महाराज तुमच्या राज्यात आता नाही खात्री भगव्या रायगडाला हल्ली हलका एक डाग आहे छत्रपतींना डावलुन अफझलखानाला मुजरा आहे अठरापगड मावळ्यांनी दगड दगड वेचला छातीचा कोट करून उभारलं स्वराज्याला किल्ले न किल्ले जिंकायचं स्वप्न उराशी घेऊन घौडदौड राजे तुमची अन मावळ्यांची अहोरात्र हजारोंनी झेलले वार राजें साठी,  ओवाळले प्राण लाखोंचा पोशिंदा जगला पाहिजे हा एकच ध्यास त्याच रायगडावर आता उलटा प्रहार आहे दगडं, चुना रंगवून वेगळीच आरास सजत आहे का का? हो राजे जीवाचं रान केलंत आम्हांसाठी आमचं छप्पर शाबूत ठेवलेत ते या दिवसासाठी? सिंहासनाला पाहताच मुजरा होतो  आपसुक पण इथे त्याच सिंहासनाची अवहेलना आहे यांच्या बरबटलेल्या विचारांनी डागाळलय सारं स्वार्थी गिधाडं घुबड टपून आहेत याच्या साठी म्हणूनच आता रायगडाला जाग आलीच पाहिजे दबलेल्या या धमण्यात ते रक्त उसळलच पाहिजे कारण छत्रपतींना डावलून खानाला मुजरा होतोय शरद पुराणिक 230222

 बंद करा तुमचे ते रटाळ विनोदी कार्यक्रम इथे उगवता सूर्य रोज नवे नाट्य घडवत आहे कोणाची अटक कायद्याने, कोणाची सुडाने आहे पण तरीही कायदा सर्वाना समान (?) आहे पहाटेची स्वप्नं खरी होतात हे साफ खोटं आहे मनी वसे ते दिसे स्वप्नी ही नुसती म्हण आहे स्वप्नांची राखरांगोळी करणारे अनंत आहेत त्या असुरी आनंदाची ही काय परतफेड आहे? बगलेला फाईली मारून खूप थकले आहेत भोकण्यासाठी भाडोत्री मोकाट सोडले आहेत बाहेरचा प्रस्थापित इथे रोज करतो माज आहे भाषा मराठी वापरून तिचाच रोज खून आहे घरचं झालं थोडं व्याह्याने धाडलं घोडं बकासुरांच्या खात्यात रग्गड लाच आहे काळ्या त्या संपत्तीला लावली टाच आहे याच्या त्याच्या आडून शकुनी तिसराच आहे इना मीना डिका आता झोपेतून जागे झाले ताई माई अक्का ला ही स्वार्थी हाक आहे उथळ  मिरवणाऱ्या विझत्या दिव्याखाली घनघोर अंधार, जाळ अन सर्वत्र धूर आहे सत्तेच्या अघोरी खेळाला हा काय शाप आहे आज याची तर उद्या त्याची बारी आहे तरीही आमचं अलबेल अन खुशहाल आहे  जय जय महाराष्ट्र माझा, गर्जा महाराष्ट्र माझा धप्पा !!! शपु ...230222

 माझा नवस फेडायचा राहुन गेला, ते रुसले तर नसतील  त्यांच्या कौतुकाचं पुण्याहवाचन, कार्याचं पुजा स्थापन  विविध रंगी नटलेल्या चौरंगावर मांडायचं राहून गेलं शब्द भावनांचं हे सढळ आवर्तन संपन्न झालंच नाही ....अभिषेक राहूनच गेला ... ...तेच भावनांचं निर्माल्य या पुष्पांजलीत गोवतोय. माझे काका अप्पा (कै गोपाळराव भवानीदास पुराणिक) तुमच्या वर कधीतरी लिहु लिहू म्हणता राहुनच गेलं ...मी उशीर केला असं म्हणणार नाही, उलट तुम्ही इतकी घाई केलीत असंच आमचं म्हणणं आहे. आता त्या कंसात ही कैलासवासी लिहायला बोटं थिजली पण कितीही झालं तरी नियम मोडायचे नाहीत, हा तुम्हीच घालून दिलेला विचार, आदर्श.  खरं सांगतो हे माझे भाव या ना त्या रुपात तुमच्या पर्यंत पोचेल ही माझी भाबडी आशा आहे. जेंव्हा जेंव्हा मी विविध विषयांवर, प्रसंगावर, व्यक्तींवर व्यक्त झालो, त्या प्रत्येक वेळी तुम्ही भरभरून दिलेले अभिप्राय रुपी आशीर्वाद आले की त्या क्षणी मनात विचार यायचा यांच्यावर ही लिहायच आहे. पण असं वाटायचं की तुम्ही अजून अजून काही तरी दिव्य करत राहाल अन ते राहुन जाईल ? या विचारात ते पुढं पुढं सरकत गेलं.  वयाच्या स...

 !!यज्ञेशो विजयते !! यज्ञ नारायण भगवान की जय  द्विरात्र अंगिरस सोमयाग सदरील लेख हा माझ्या गेल्या वर्षी श्रावण महिन्यात लिहिलेल्या लेखाचा दुसरा भाग म्हणायला हरकत नाही. ज्याची लिंक संदर्भ म्हणुन खाली देत आहे.  https://www.facebook.com/742431662/posts/10159707072816663/ या मध्ये मी आदरणीय गुरू महाराज अहिताग्नी, बहु सोमयाजी यज्ञेश्वर सेलूकर महाराज यांच्या यज्ञीय कार्य आणि त्याची यादी ही सोबत जोडली होती.  त्याच कार्याचा पुढचा टप्पा "द्विरात्र अंगिरस सोमयाग" च्या माध्यमातून मु.पो. खडकीघाट जिल्हा बीड येथे कालपासून सुरू झाला. खरंतर गेली दोन वर्षे या महामारीच्या काळात हे घडु शकलं नाही. गेल्यावर्षी याची तयारी ही पूर्ण झाली होती, पण सरकारी आदेश आणि सामाजिक जबाबदारी चे भान ठेऊन हा पुढे ढकलण्यात आला आणि आता तो 12 ते 18 फेब्रुवारी दरम्यान संपन्न होत आहे. अतिशय दिमाखदार, जोश पुर्ण, भक्तिभाव आणि उत्साहाने ओतप्रेत अशा शोभायात्रेने हा दिव्य सोहळा काल सुरू झाला.  बाल गोपाळ, तरुण, मध्यमवर्गीय, वृद्ध अशा सर्व वयोगटातील स्त्री पुरुष आणि सोबतच दिव्य संत महंत यांच्या सहभागाने सोहळ्याचा...

 स्वर विरले ...निघाले दूर प्रवासी वसंत पंचमी अजून उत्तरार्धात होती काल सरस्वती वासत्यवास होती आज तिच्या लेकीला घेऊन निघालीये तो पहा गरूड ही तयार नाहीये मैफिलीत सजलेला वीणा रुसलाय शुभ्र वस्त्रातली सरस्वती हिरमुसली दोघीही या दिव्य प्रवासासाठी सज्ज भारत भु ओली चिंब आहे आसवांनी तिकडे देवदूत सज्ज आहेत स्वागतासाठी गरुड ही झेप घेतोय पण वाट मोकळी नाही दिदींच्या  स्वरांचे ढग इतके दाट आहेत चौफेर स्वरांची न आसवांची बरसात आहे एकच आर्त - देऊ तुला कसा निरोप हा योगायोग नाही ..  हे असेल का विधात्याच नियोजन शरद पुराणिक 060222

 गुणवत्ता, नीतिमत्ता ठासून भरलेला चित्रनगरीचा खरा बादशाह चित्रनगरीचा देव देव्हाऱ्यात नाही, देव गेले देवाघरी ....परवाच आदरणीय, सन्माननीय, मराठी चित्रनगरीचा बेताज बादशाह आपल्या सर्वांना सोडुन गेला. खरं तर एकंदरीतच या क्षेत्रातील खडा न खडा माहिती मला नाहीये ...माझं इथलं ज्ञान (हिंदी आणि मराठी) अगदीच कामा पुरतं, जुजबी आणि नगण्य.  एक तर त्याचा आवाकाच इतका मोठा आहे त्यामुळे ते कितीही घेतलं तर कमीच.  मी जवळपास 10 ते 12 वर्ष एकटा बाहेर राहिलो, पण कधीही आवर्जुन सिनेमा ला गेलो नाही ...जे पाहिले ते काही landmark आणि सर्वार्थाने superhit चित्रपट. जे भावतं तेच मनात घर करत आणि तेवढं पुरतं. उगाच ऑफिसमध्ये जेवणाच्या चर्चेत सहभागी होण्यासाठी किंवा कशालाही बळी पडलो नाही. हल्ली तर सिनेमा पाहण्यासाठी कुठे जावं ही लागत नाही, ते जसे मिळतील तसे तुकड्या तुकड्या मध्ये चाखायचे, आवडले तर पोटभर नाही तर चव घेऊन सोडायचे. असो ...तर या क्षेत्रात शेकडो असे कलावंत आहेत जे ऊत्तम काम करतात, भले भले चित्रपट ही पेलले आणि जनमानसात ते "superstar" म्हणून आजही  घर करुन राहतात.  तर असे अनेक superstar आहे...